Instituti Kombëtar i Shëndetësisë Publike në Kosovë bëri me dije të Premten (25 qershor) se janë regjistruar edhe shtatë raste të reja të të infektuarve me koronavirus dhe shifra bazohet në 1.224 testime.
Gjatë 24 orëve të fundit, nuk është shënuar asnjë rast i vdekjes.
Nga COVID-19, janë shëruar edhe 12 pacientë, ndërsa raste aktive janë 166.
Me shifrat e fundit, numri i përgjithshëm i rasteve pozitive në Kosovë arrin në 107.714, i viktimave në 2.256 dhe i të shëruarve në 105,292.
Deri të Premten, sipas Ministrisë së Shëndetësisë në Kosovë, janë injektuar 152.643 doza të vaksinës kundër koronavirusit, ndërsa 26.794 qytetarë tashmë janë vaksinuar me dozën e dytë.
