Policia e Vlorës ka arrestuar ditën e sotme shtetasin P. S., 59 vjeç, i cili ditën e djeshme pas një sherri për motive të dobëta qëlloi me thikë fqinjin e tij 57-vjeçar. Dyshohet se konflikti nisi pas dyshimeve të 59-vjeçarit se fqinji i kishte ngacmuar gruan.
Materialet u referuan në prokurorinë e Vlorës, për veprime të mëtejshme, ndërkohë që agresori duhet të përballet në gjykatë për akuzën e veprës penale “Vrasja me dashje” mbetur në tentativë.
Njoftimi i plotë i policisë:
Specialistët për Hetimin e Krimeve në Komisariatin e Policisë Vlorë arrestuan në flagrancë, për veprën penale “Vrasja me dashje” mbetur në tentativë, shtetasin P. S., 59 vjeç, banues në Vlorë, pasi ditën e djeshme, në lagjen “Pavarësia”, gjatë një konflikti të çastit për motive të dobëta, ka goditur me mjet prerës (thikë) shtetasin F. P., 57 vjeç, banues në Vlorë, i cili ndodhet në spital, nën kujdesin e mjekëve.
Materialet u referuan Prokurorisë, për veprime të mëtejshme.
