Katër persona kanë mbetur të vdekur nga aksidenti i ndodhur këtë mëngjes në autostradën Fier-Vlorë, në vendin e quajtur “Kripa”.
Viktimat janë nga e njëjta familja, prindërit dhe dy fëmijë.
Po ashtu, janë plagosur dhe tre persona të tjerë.
Ngjarja
Policia njoftoi se rreth orës 08:23, një mjet tip “Audi” është përplasur me një mjeti tip “Toyota ”.
“Si pasojë e aksidentit, 3 shtetasit që udhëtonin me mjetin “Toyota”, dy të rritur dhe një fëmijë i mitur kanë ndërruar jetë. Gjithashtu, janë dëmtuar dhe tre shtetasit që udhëtonin në mjetin ‘Audi’, drejtuesi dhe dy pasagjerë. Këta të fundit po transportohen në spital, për ndihmë mjekësore”, njoftoi policia.
Më vonë, u raportua se humbi jetën edhe fëmija tjetër që ndodhej në automjetin tip “Toyota”.
“Në vendngjarje ndodhet grupi hetimor, i cili po kryen veprimet e mëtejshme për sqarimin e rrethanave të aksidentit, identifikimin e viktimave dhe të personave të plagosur“, thuhet më tej në njoftimin e policisë.
Lexo edhe:
