Një 21-vjeçar është arrestuar nga policia pasi është kapur në një taksi me armë me vete. Policia njofton se ai e kishte fshehur armën dhe tetë fishekë në çantën e dorës, ndërsa njoftohet se janë sekuestruar 2 armë zjarri, municion luftarak dhe fidanë cannabis sativa.
I arrestuari është shtetasi me iniciale E. U., 21 vjeç, banues në Fushë Krujë, pasi gjatë kontrollit të policisë, këtij shtetasi iu gjet dhe sekuestrua në cilësinë e provës materiale një armë zjarri dhe 8 fishekë, ndërsa njoftohet se është shpallur në kërkim një shtetas tjetër që dyshohet të jetë bashkëpunëtor.
Materialet i kaluan Prokurorisë së Rrethit Gjyqësor Durrës dhe Prokurorisë së Rrethit Gjyqësor Krujë, për veprime të mëtejshme
