Partizani nuk ka shkuar më shumë se barazimi 1-1 në miqësoren e zhvilluar në transfertë ndaj skuadrës shqiptare që militon në elitën e futbollit maqedonas FC Struga Trim & Lum.
Pjesa e parë u mbyll me rezultatin 0-0, ndërkohë që në minutën e 64-t, sulmuesi Kardozo kaloi në avantazh “Demat e Kuq”. Kjo epërsi e Partizanit zgjati vetëm 3 minuta, pasi në të 67-tën, vendasit arritën të barazonin rezultatin.
Një test miqësor ky që i shërben skuadrës së Ilir Dajës, në prag të përgatitjeve, për sfidën e Ligës së Konferencës që do të zhvillohet ndaj Sfintul Gheorge më datën 8 korrik.
Kjo ishte ndeshja e dytë miqësore e skuadrës së Dajës, pas fitores 1-0 ndaj Shkupit.
