Organizata Politike ka thirrur një protestnë nesër ( e premte), ora 17:00, para Bashkisë së Tiranës, me kërkesën kryesore rikthimin e abonesë së përgjithshme dhe përmirësimin e cilësisë së transportit publik urban.
Kjo proteste vjen pas një peticioni të ndermarrë nga Organizata Politike, i cili i është dorëzuar Bashkisë së bashku me 11 200 nënshkrime të qytetareve.
Ky peticion dhe kërkesat e tij nuk janë marrë parasysh nga Bashkia, e cila nuk ka patur asnjë reagim.
Sipas Organizatës Politike, heqja e abonesë së përgjithshme, ka penalizuar disa mijëra qytetarë, kryesisht punëtorë dhe kategori të tjera me të ardhura të ulëta, ndërsa kostoja e transportit është disafishuar.
Vendimi për heqjen e abonesë së pëërgjithshme për të paktën 3 muaj nga qarkullimi është marrë nga Bashkia e Tiranës si një masë në mbështetje të operatorëve të Transportit Publik, por që penalizon disa mijëra qytetarë që sot janë të detyruar të paguajnë për çdo linjë që përdorin.
