Një automjet është djegur gjatë natës në lagjen “Partizani” në Vlorë.
Mësohet se makina tip “Audi” është në pronësi të shtetases B.T banuese në Vlorë.
Nuk dihet ende shkaku i rënies së zjarrit dhe rrethanat e ngjarjes.
Burimet e policisë së Vlorës shprehen se dyshohet paraprakisht të jetë zjarrvënie e qëllimshme pasi automjeti kishte disa ditë i parkuar në zonë.
Në vendin ku u gjend automjeti, 20 metra më poshtë, është vetëm një biznes i cili ka kamera sigurie, por vështirë ta ketë fiksuar ngjarjen pasi nuk mendohet të ketë fushëpamje nga makina e djegur.
Pronarja e mjetit nuk është person i njohur për policinë e Vlorës apo person i cili ka pasur probleme më parë, nërsa dyshohet se lënda djegëse i është hedhur në pjesën e përparme të mjetit ku më pas i është vendosur edhe flaka.
Grupi hetimor po punon për zbardhjen e rrethanave të ngjarjes dhe shkakut të rënies së zjarrit, thuhet në njoftimin e policisë.
