Kryeministri Edi Rama vijon propagandën, ndërsa nëngjesin e sotëm ka publikuar portalin kombëtar të punësimit.
Rama shprehet se kjo është një risi digjitale dhe e konsideron si vendtakimi mes punëkërkuesve dhe punëdhënësve.
‘MIRËMËNGJES dhe me risinë tjetër digjitale, Portalin Kombëtar të Punësimit, vendtakimi mes punëkërkuesve dhe punëdhënësve, ju uroj një ditë të mbarë
***për punë të denjë dhe të ardhme të sigurtë, kliko në http://www.puna.gov.al/”, shkruan Rama.
Shqipëria mbetet një nga vendet me nivelin më të lartë të papunvsisë, varfërisë, ku me mijëra qytetarë për shkak të mungesës së shpresës shohin si një zgjidhje largimin nga vendi, ndërsa Rama vijon me show dhe propagandë.
E ndërsa bizneset ankohen për taksat që rriten nga pushteti vendor dhe Qeveria, apo raportet e ndryshme ndërkombëtare e rendisin Shqipërinë në një nga vendet e para për ryshfetin që duhet të paguajnë bizneset, Kryeministri duket se tallet me shqiptarët, duke publikuar portalin e rradhës, që sipas tij do të zgjidhë problemin e punësimit.
