Gruaja që lindi 10 fëmijë u bë tema e ditës disa javë më parë, por paska qenë vetëm një mashtrim. Ngjarja ka ndodhur në Afrikën e Jugut, ku gruaja pretendonte se ka lindur 7 djem dhe tri vajza.
Ndërkohë, mjekët kanë treguar se është një mashtrim. Sipas tyre, gruaja nuk ka kaluar asnjë shtatzëni, gjithashtu nuk ka shenja që konfirmojnë se lindjet janë kryer me prerje cezariane, siç pretendoi gruaja. Avokati i saj Refiloe Mokoen, thotë që Sithole po pretendon që po mbahet kundër vullnetit të saj në spitalin psikiatrik.
“Nuk ka dashur të shkoj në spital për një kontroll psikiatrike, pasi që konsideron se është e shëndoshë. Më ka kërkuar ta shoqëroj, por personat kompetentë më kanë thënë që tani është përgjegjësi e tyre”, ka theksuar avokati.
