Një ngjarje e rëndë ka ndodhur në Greqi, ku mësohet se një shqiptar ka përdhunuar një 30-vjeçare greke që punonte në një lokal në Kolonaki. Mediat shkruajnë se ai e ftoi që të dilnin për një pije dhe më pas e ftoi në banesën e tij, e cila ndodhej në të njëjtën rrugë me vendin ku ajo punonte.
E reja pranoi dhe kur hynë në shtëpi, autori i krimit mbylli derën, e sulmoi dhe e përdhunoi. Kur ajo ia doli të shpëtonte nga duart e tij, hapi derën dhe ra mbi makinën e policisë duke kërkuar ndihmë, shkruajnë mediat greke.
Mediat shkruajnë se vajza ishte në gjendje të rënduar psikologjike dhe policia iu vu menjëherë në ndihmë. Shqiptari ka përfunduar në burg, por identiteti i tij nuk është bërë me dije për mediat.
