Mathijs de Ligt i Holandës ka “thumbuar” Italinë, duke ia ulur vlerën rezultateve të fundit të ekipit të drejtuar nga Robero Mancini, pasi, sipas tij, Italia ende nuk është ndeshur me “të fortët”.
“E kam studiuar Italinë dhe mendoj se luajnë futboll të bukur. Por, deri tani janë ndeshur me ekipe të mira, ende nuk i kanë provuar ekipet e forta, siç ka bërë Franca për shembull”, deklaroi mbrojtësi i Juventusit.
Ai shtoi se Italia “ka një stil loje aspak italian”, pasi “sulmojnë shumë”.
Nëse kalojnë kundërshtarët në turin e 16-ave, Italia dhe Holanda përballen bashkë në çerekfinale.