11 kombëtare kanë siguruar kualifikimin më tej në Kampionatin Evropian. Grupi A, B dhe C kanë përfunduar fazën e parë të evenimentit nga ku janë mësuar shtatë kombëtare të kualifikuara.
Italia, Uellsi dhe Zvicra janë kualifikuar më tej, nga grupi A, Belgjika dhe Danimarka nga grupi B dhe Holanda e Austria nga grupi C.
Grupet D, E dhe F do t’i luajnë ende xhiron e fundit, por katër skuadra tashmë e kanë siguruar kualifikimin tutje. Çekia dhe Anglia e kanë siguruar kualifikimin tutje nga grupi D, Suedia nga grupi E dhe Franca nga grupi F.
Te grupi E, Suedia e ka siguruar kualifikimin në 1/16 e finales me vetëm një gol të shënuar. Në ndeshjen e parë barazuan pa gola ndaj Spanjës, kurse në ndeshjen e dytë fituan 1:0 ndaj Sllovakisë.
Nesër Suedia e luan ndeshjen e fundit të fazës së grupeve ndaj Polonisë, por tashmë ata e kanë prerë biletën për kualifikimin në fazën e 1/16-ve.
