Një nga personat e ndaluar nga policia si një prej organizatorëve të një grupi që merrej me trafik kokaine në Zvicër e Gjermani është patronazhit i PS.
Denoncimi bëhet nga Sekretari i Përgjithshëm i PD-së, Gazment Bardhi.
“Ndalohen dy trafikantë droge dhe përgjimet tregojnë se kanë qenë të angazhuar në blerje votash për regjimin Rama-Doshi. Arrestohet për trafik droge një punonjës i zjarrfikëses në Tiranë dhe rezulton të jetë patronazhit i PS-së”, shkruan Bardhi në një postim në FB.
“Ky është kriminalizimi i politikës, kjo është masakra zgjedhore e 25 prillit, kështu u pengua ndryshimi që njerëzit donin, me trafikantë droge e paratë e pista të drogës. Zhbërja e kësaj padrejtësie është dhe do të mbetet misioni ynë. Ne nuk do të ndalemi në betejën tone kundër kësaj pakice që përdor çdo mjet për të tjetërsuar vullnetin e lirë të shqiptarëve. Me shumicën e qytetarëve ne do të kthejmë legjitimitetin dhe demokracinë në vend”, shton ai.
Lexo edhe:
Trafiku i drogës në Zvicër/ Goditet grupi, mes të arrestuarve një nga organizatorët (Emri)
Trafiku i kokainës/ Skema e grupit kriminal në Zvicër e Gjermani, urdhrat vinin nga Tirana
