Një person në Maliq është proceduar penalisht pasi akuzohet se nuk ka njoftuar policisë se bashkëshortja e tij kishte varur veten në banesë.
Policia njoftoi se, specialistët për Hetimin e Krimeve në Komisariatin e Policisë Maliq, filluan procedimin penal për shtetasin F. M., 63 vjeç, banues në fshatin Kolanec, Maliq.
Sipas të njëjtave burime, ai nuk ka njoftuar organet e Policisë se në datën 17.06.2021, në banesë, ishte vetëvarur bashkëshortja e tij shtetasja F. M., 61 vjeçe, duke konsumuar elementë të veprës penale “Veprime që pengojnë zbulimin e së vërtetës”.
Materialet i kaluan Prokurorisë pranë Gjykatës së Shkallës së Parë Korçë për veprime të mëtejshme, thuhet më tej në njoftimin e policisë.
