Këtë të Hënë, është dorëzuar në Bashkinë Tiranë peticioni që kërkon kthimin e abonesë së përgjithshme, përmirësimin e cilësisë së transportit urban, si dhe përgjysmimin e çmimit të abonesë për kategori të caktuara.
Ky peticion është ndërmarrë nga Organizata Politike pas vendimit të Bashkisë Tiranë për heqjen e abonesë së përgjithshme.
Organizata Politike e quan arbitrar vendimin e bashkisë dhe shton se ka penalizuar mijëra qytetarë e veçanërisht ata me të ardhura më të ulëta, siç janë punëtorët.
Peticioni, sipas organizatës, ka marrë 11 000 nënshkrime.
