Duke filluar nga ora 15:00, luhet Hungari-Francë, ndeshje e vlefshme për grupin F të kampionatit Europian.
Pritet një ndeshje jo e lehtë për Francën, që megjithatë shihet si favoriti kryesor për të fituar takimin dhe këtë turne të kampionatit evropian.
Në “Puskas Arena“ të Budapestit do të luhet në 32 gradë Celcius dhe me një stadium të mbushur me 61 mijë të pranishëm në tribuna, që pritet ti japim akoma më shumë emocione kësaj ndeshjeje.
Hungaria kërkon një paraqitje dinjitoze për të harruar humbjen 0-3 me Portugalinë e Ronaldos, ndërsa Franca nga tjetër, vjen e qetë pas fitores 1-0 ndaj Gjermanisë në ndeshjen e parë.
Para takimit, trajneri i gjelave Deschamps ka vlerësuar kundërshtarët: “Kanë një trajner italian, që do të thotë se do jenë luftarake dhe të organizuar mirë”.
Rivalitetin ndaj kampionëve të botës, e garantoi trajneri i hungarezëve Piemontez: “Skuadra franceze vlen të paktën 900 milion euro, e jona vetëm 60. Ata janë favoritët për të fituar Kampionatin Evropian, por djemtë e mi do të tregojnë popullit të tyre se çfarë janë të aftë të bëjnë”.
![](https://i1.wp.com/boldnews.al/wp-content/uploads/2021/06/Screenshot_2-50.png?resize=640%2C146&ssl=1)
Hungari-Francë, formacionet zyrtare
Hungari: Gulacsi, Botka, At. Szalai, Orban, Nagy, Fiola, Schafer, Kleinhdeisler, Nego, Ad. Szalai, Sallai
Francë: Lloris, Pavard, Kimpebe, Varane, Pogba, Griezmann, Mbappe, Kante, Rabiot, Digne, Benzema
Kliko LINKUN për të ndjekur ndeshjen live