Esat Mala pritet të jetë largimi i radhës nga skuadra e Partizanit. Mesfushori është shumë afër kalimit në elitën e futbollit turk.
Sipas asaj që raportohet në mediat turke, Mala i ka dhënë dritën jeshile një kalimi te skuadra e Giresunspor.
Këta të fundit i kishin bërë një ofertë 22-vjeçarit dhe ka qenë vetë lojtari i cili ka kthyer përgjigje pozitive për këtë, duke pranuar të kalojë te Giresunspor. Ky do të ishte një hap i madh në karrierë për Malën, i cili do të ketë mundësinë të luajë në një kampionat të madh, siç është ai turk.
Vlen të theksohet se kushdo klub që kërkon Malën, duhet të paguajë taksën e formimit të lojtarit te Partizani. Ndonëse mesfushori është pa kontratë, çdo klub që do e marri duhet të paguajë të paktën 200 mijë euro.
