Gjykata e Fierit vendosi sot masën e sigurisë “detyrim paraqitje” për drejtuesin dhe inxhinierin e OST Fier.
Gjatë seancës, mbrojta e argumentoi si vdekje aksidentale.
Andi Prifti, drejtor i Operatorit të Sistemit të Shpërndarjes në Fier dhe inxhinierin e OST-se Eriseld Lala u arrestuan nga policia pas vdekjes së dy elektriçistëve.
Prifti dhe Lala u akuzuan se kishin dhënë urdhër të jashtëligjshëm ndaj elektriçistëve Gjergji Duka 50-vjeç dhe Bashkim Saliasi 64-vjeç për të kryer punime në linjën 110 KV te fshatit Jogodinë.
Ata u dërguan për zëvendësimin e linjës 110 KV Roskovec-Jagodinë. Ndersa po hiqnin telat e tensionit të lartë për t’i hapur më pas rrugë zëvendësimit të shtyllave, struktura u shkëput dhe i zuri poshte duke i lënë të vdekur në vend.
