Eneo Bitri ishte një lojtarët që u largua pas përfundimit të këtij sezoni nga skuadra e Partizanit. Qendërmbrojtësi i kuq tashmë është lojtar i lirë dhe momentalisht po stërvitet individualisht.
Megjithatë burime për newsport.al tregojnë se shtatlarti ka arritur akordin me klubin e Astanës dhe çështje ditësh, do të transferohet në Kazakistan. Mësohet se ai ka nënshkruar një kontratë që kap shifrën e 12 mijë dollarëve në muaj për 1 sezon e gjysmë. Rrogë e majme kjo duke pasur parasysh nivelin e kampionatit tonë me atë në të cilin do të transferohet Bitri.
Tanimë s’mbetet gjë tjetër veçse të pritet se cili do të jetë ai që do të zëvendësojë vendin e lënë bosh nga Bitri. Beratasi ishte ndër më të mirët në edicionin e kaluar në formacionin e Ilir Dajës.
