Apeli i Posaçëm ka lënë në fuqi dënimin me 14 vite burg për Arbër Çekajn, pronarin e kompanisë “Arbi Garden, që sipas prokurorisë porostiti ngarkesën me banane ku u gjet sasia e kokainës, në vitin 2018.
Po ashtu, është lënë në fuqi vendimi edhe për Donald Lushajn, 10,8 vite burg dhe Armand Pezakun me 8,8 vite burg, të akuzuar për trafikimin e 613 kg kokaine nga Ekuadori në Shqipëri.
Gjykata e Posaçme e dënoi me 14 vjet burg Arbër Çekajn për trafik ndërkombëtar të lëndëve narkotike.
Ndërkohë, Prokuroria kishte kërkuar 21 vite burg, kërkesë të cilën e konfirmoi edhe gjykata, por për shkak të gjykimit të shkurtuar, Çekaj përfitoi ulje të dënimit me një të tretën.
Pas apelimit të vendimit, shkalla e dytë ka lënë në fuqi dënimin me 14 vite burgim për Çekajn.
Pak muaj më parë u arrestua dhe i ati i Çekajt, i akuzuar po për trafik droge. Ai u arrestua në prill, pasi në një kontejner me banane të porositur prej kompanisë së administruar prej tij, u gjetën 49 kg kokainë.
Dënimi për Arbër Çekajn/ Flet avokati: Gjykata dënoi një njeri pa asnjë provë
