Kryeprokurorja e Tiranës, Elisabeta Imeraj u tërhoq të Premten nga kandidimi në Prokurorinë e Posaçme kundër Krimit dhe Korrupsionit, SPAK.
Imeraj kandidoi për t’u bërë pjesë e SPAK në shkurt të vitit 2019 dhe në korrik të atij viti ajo u rendit nga Këshilli i Lartë i Prokurorisë (KLP) mes 15 prokurorëve të përzgjedhur për në SPAK.
Ajo u komandua në gusht të 2018 në krye të prokurorisë Tiranë nga ish-Kryeprokurorja e Përkohshme Arta Marku.
Elisabeta Imeraj ka punuar prej vitesh në prokurorinë e Krimeve të Rënda dhe ishte një prej hetueseve të çështjes së ish-ministrit Tahiri.
Ende nuk dihen arsyet që e kanë shtyrë Imeraj drejt vendimit.
