Një burrë nga fshati Kusoriq të Pejës ka vdekur dje rreth orës 19:25, pasi është goditur nga rrufeja.
Lajmin e ka konfirmuar, Driton Rugova, zëdhënës i Policisë së Kosovë për Rajonin e Pejës.
“Sot, rreth 19:25 një person është sjellë në Spitalin Rajonal në Pejë, i cili sipas ekipit mjekësor, është goditur nga rrufeja dhe nuk ka arritur të mbijetojë. Vdekjen e viktimës e ka konfirmuar ekipi mjekësor”, tha Rugova.
Një familjar i viktimës ka thënë se i ndjeri “ka qenë me bagëti në një fushë afër shtëpisë dhe është goditur nga rrufeja”.
Mësohet se viktima është rreth moshës 51-vjeçare.
