Një çift të moshuarish u përplasën dhunshëm dy ditë më parë nga një makinë që i mori përpara me shpejtësi, në lagjen nr.11 të Durrësit.
Tashmë drejtuesi i automjetit që u largua nga vendngjarja, është identifikuar.
Ai është Endri Zaja, 22 vjeç, dhe vetëm sot është bërë i mundur identifikimi i tij
Zaja siç është bërë e njohur edhe nëpërmjet pamjeve filmike të aksidentit po udhëtonte me një makinë tip “Toyota”, ku përplas një 74 vjeçare dhe një burrë krah saj të cilët po kalonin rrugën.
“Specialistët e Qarkullimit Rrugor në Drejtorinë Vendore të Policisë Durrës bënë shpalljen në kërkim të shtetasit E. Z., 22 vjeç, banues në Durrës, pasi ditën e djeshme, në lagjen nr. 11, Durrës, duke drejtuar mjetin tip “Toyota”, ka aksidentuar shtetasen A. G., 74 vjeçe dhe më pas është larguar nga vendngjarja. Shtetasja A. G. ndodhet nën kujdesin e mjekëve. Materialet i kaluan Prokurorisë së Rrethit Gjyqësor Durrës”, njoftimi i policisë.
