Kombëtarja italiane e drejtuar nga Roberto Mancini tashmë është kualifikuar në raundin e 16-ave të Kampionatit Europian falë një fitore 3-0 kundër Zvicrës në raundin e dytë të fazës së grupeve. Italia ka fituar dy ndeshje nga dy në Euro 2020 dhe është e para në Grupin A me pikë të plota.
Për sigurimin e vendit të parë në grup, do të jetë e mjaftueshme që të kaltrit të mos humbasë kundër Uellsit në ndeshjen e tretë dhe të fundit të grupit. Bazuar në pozicionin në grup, do të përcaktohet kundërshtari tjetër i ekipit kombëtar të Mancinit në fazën e 16-ave.
Nëse Italia përfundon e para në grup, ata do të sfidojnë të Shtunën – 26 Qershor në Londër, të kualifikuarën e dytë të grupit C. Një prej Austrisë, Holandës, Ukrainës dhe Maqedonisë së Veriut. Klasifikimi aktual i grupit C, pas raundit të parë është: Austria 3 pikë, Holanda 3, Ukraina 0, Maqedonia e Veriut 0.
Nëse, nga ana tjetër, Italia mbyll grupin A në pozitën e dytë, ata do të përballen me të kualifikuarën e dytë të grupit B në raundin e 16-ave – të Shtunën, 26 Qershor, në 6 pasdite në Amsterdam. Pra, një mes Belgjikës, Rusisë, Finlandës dhe Danimarkës.
Gjasat janë megjithatë që Italia e mbyll grupin e para dhe të gjejë përballë Austrinë ose Ukrainën, në takimin e parë me eliminim direkt.
