Në Kosovë, më 17 qershor, janë regjistruar edhe dhjetë raste të reja me koronavirusin e ri. Sipas Institutit Kombëtar të Shëndetësisë Publike (IKSHPK) shifra bazohet në 1.848 testime.
Gjatë 24 orëve të fundit janë shëruar edhe 12 pacientë, ndërsa raste aktive janë 184 .
Me këto shifra, sipas IKSHPK-së, numri i përgjithshëm i të infektuarve në Kosovë qëndron në 107,620, i viktimave në 2,250 dhe i të shëruarve në 105,186.
Të martën në Kosovë ka nisur fushata e vaksinimit masiv kundër koronavirusit.
Ministria e Shëndetësisë ka njoftuar se deri të enjten janë dhënë 118.538 vaksina. Të vaksinuar me dy doza janë 15.093 qytetarë.
