Policia e Sarandës ka arrestuar në flagrancë dy persona dhe ka proceduar penalisht një tjetër për veprën penale “Ndërtim i paligjshëm”.
Këta shtetas u konstatuan nga shërbimet, në Ksamil, duke kryer punime në një objekt, proceduar më parë, pa leje nga autoritetet kompetente.
Po ashtu në prangat e policisë Himarë ka rënë shtetasi K. Xh., 54 vjeç, banues në Dhërmi, pasi u konstatua nga shërbimet, duke ndërtuar pa leje nga autoritetet kompentete. Gjithashtu u bë shpallja në kërkim policor për veprën penale “Ndërtim i paligjshëm”, e shtetasve: D. H., 29 vjeç, pasi ka ndërtuar tri objekte pa leje nga autoritetet kompetente, në lagjen “Shkallë”, Borsh dhe E. H., 32 vjeç, pasi ka ndërtuar një objekt pa leje nga autoritetet kompetente, në lagjen “Shkallë”, Borsh.
Policia e Himarës procedoi penalisht edhe shtetasin Dh. L., 61 vjeç, pasi ka ndërtuar një mur mbajtës, në fshatin Dhërmi, pa leje nga autoritetet kompetente.
