Teksa ka mbetur më pak se një orë nga starti i sfidës Itali-Zvicër, një alarm për bombë ka alarmuar autoritetet italianë të cilët kanë evakuar njerëzit nga zona rreth stadiumit.
Në zonën e Piazza Mazzini një qytetar ka telefonuar policinë pas ka vënë re një fitil i cili dilte nga një makinë e tipit ‘’Smart’’. Menjëherë në vendin e dyshuar kanë mbërritur policia e cila ka evakuar tifozët nga zona jashtë stadiumi për të parë nga afër rastin.
Nga këqyrja në zonë u verifikua se brenda Smartit ishte një bombë e cila dukej se ishte ndërtuar në shtëpi, që më pas është çaktivizuar nga forcat xheniere italiane. Në Italia janë të shqetësuar dhe kanë nisur menjëherë hetimet për rastin, pasi në stadiumin ‘’Olimpico’’ mbrëmjen e sotme priten 16 mijë të pranishëm.
