Një aksident fatal ka ndodhur në Memaliaj, me pasojë vdekjen e një personi.
Ngjarja është shënuar në fshatin Krahës, ku ka humbur jetën Adem Hada, 68-vjeç. Raportohet se ai ka qenë duke drejtuar një motoçikletë, që ka dalë nga rruga. Për pasojë, ka humbur jetën.
“Rreth orës 10:00, në një rrugë rurale në fshatin Krahës 1, shtetasi A. H., 68 vjeç, banues në fshatin Krahës, duke drejtuar motoçikletën ka humbur kontrollin dhe ka dalë nga rruga. Si pasojë e dëmtimeve të marra ai ka ndërruar jetë gjatë transportimit për në spital. Grupi hetimor ndodhet në vendngjarje dhe po punon për përcaktimin e shkaqeve të aksidentit”, njoftoi policia.
