Dy ditë më parë, kudo në rrjet u përfol se Beart Rexhepi ka nisur një lidhje të re pas ndarjes nga Tea. Shkak u bë një video e publikuar nga vetë ish-konkurrenti, ku shfaqej me pushime pranë një vajze që quhej Juliana.
Mirëpo, kjo nuk është e vërtetë dhe vajza në fjalë është vetëm një mikeshë e Beartit. Ajo ka reaguar me anë të një postimi në rrjete sociale duke sqaruar gjithçka.
“Thjesht një shpjegim i vogël për një lajm që po bëhet viral: Unë i trajtoj miqtë e mi njësoj pa pasur rëndësi se nga vijnë, sa të famshëm janë apo nëse i lejoj që të më bëjnë tag në story-t e tyre. Unë nuk jam në një lidhje me Beart Rexhepin, ai është një shok i imi dhe unë do të postoj me shumë nder foto me të dashurin tim, sapo ta kem një të tillë. Gëzuar”, ka shkruar Juliana.
