Një ngjarje e rëndë, ku protagonistët ishin shqiptarë, ka ndodhur ditën e hënë në Belgjikë.
Sipas mediave vendase, 52-vjeçari Ismet Osmanaj u plagos me thikë, në Waterbaan, Deurne, pranë një shkolle. Policia njoftoi se më pas i ai vdiq si rezultat i plagëve që iu shkaktuan.
I dyshuari Betim A. 48-vjeçar u arrestua menjëherë.
Disa prindër që po prisnin në portën e shkollës treguan ngjarjen. “Kemi dëgjuar shumë të bërtitura dhe pamë dikë që binte nga biçikleta e tij”. “Çiklisti ishte shtrirë në tokë, ndërsa një burrë u përkul mbi të dhe e goditi disa herë në qafë”.
Goditja me thikë ndodhi në orën 15.40 pasdite. Sulmuesi iku menjëherë pas incidentit. Pak më tutje, policia e arrestoi.
Shkak i ngjarjes së rëndë dyshohet të jetë bërë xhelozia. Siç raportojnë mediat vendase, Ismet Osmanaj është i dashuri i ish-gruas së Betim A. Ngjarja ndodhi në shkollën e fëmijëve të gruas.
“Me gjakun që i pikonte nga duart, ai qetësisht kaloi aty pranë. Nuk u shqetësua dhe vazhdoi të ecte”, tha një dëshmitar. “Ai ishte i veshur me rroba të zeza, me syze dielli të zeza dhe ishte tullac”.
“Pamë dy fëmijë që bërtisnin me zë shumë të lartë, derisa autori po e therte dikë me diçka që dukej si një thikë e madhe. Dukej sikur ishim në një film horror”, tregoi një tjetër qytetar.
