Gjykata Kushtetuese ka vendosur që seanca e sotme për çështjen e Teatrit Kombëtar të shtyhet për nesër në orën 10.00. Kushtetuesja e mori vendimin pasi pranoi që të administrojë edhe vendimin e Këshillit Bashkiak për prishjen e teatrit si provë.
Mësohet se gjykata pretendon se i është dhënë kohë qeverisë për të sjellë dokumentet e kërkuara, por ato nuk janë sjellë në kohën e përcaktuar, ndërsa edhe presidencës i janë përcjellë jashtë afatit.
Gjykata u ka tërhequr vëmendjen palëve për mosrespektimin e afateve, ndërsa këshilltari ligjor i Presidentit, Bledar Dervishaj, është shprehur se nuk janë administruar të gjitha provat që kërkoi kreu i shtetit.
