Kolegji Zgjedhor ka rrëzuar ditën e sotme kërkesën e partisë Demokratike lidhur me shpalljen të pavlefshme të zgjedhjeve dhe ripërsëritjen e tyre në qarkun e Fierit.
Kjo është kërkesa e disatë rradhazi që PD ka bërë dhe është rrëzuar nga Kolegji Zgjedhor, ndërkohë që pak më herët u rrëzua kërkesa e bërë për paraqitjen e provave shtesë. Vendime të tilla duket se po bëhen rutinë teska po përsëriten ëpr secilin qark të vendit.
Pas përfundimit të procesit dhe marrjes së vendimit, përfaqësuesi i PD, Marash Logu tha se ky vendim bëri që të humbisnin mundësinë për të qenë transparentë me qytetarët.
Qarku i rradhës ku pritet që Kolegji Zgjedhor të marrë vendim lidhur me kërkesat e bëra nga partia Demokratike, është qarku i Elbasanit.
