Mario Nikolli do të jetë menaxheri i ri i klubit të Dinamos. Një nga më të mirët në Shqipëri në këtë rol, ka zgjedhur të kontribuojë për familjen dinamovite në edicionin e ri futbollistik.
Veç pjesës menaxheriale ai do të jetë edhe përgjegjës për mediet. Eksperienca e madhe në kampionatin shqiptar, veçanërisht me Skënderbeun ku ka shëtitur edhe në Europë, ka bindur drejtuesit e “Bluve” të ftojnë laçianin në familjen e madhe të tyre.
Dy sezone më parë, Mario ishte protagonist në titullin kampion të Tiranës, ku me punën e tij të pandalshme, kuroi dhe ndihmoi maksimalisht për të ngritur në piedestal imazhin e klubit kryeqytetas.
Tashmë ka marrë një mision të ri, të njëjtën gjë do t’i duhet të bëjë dhe me Dinamon, 18 herë kampionen e Shqipërisë.
