Dy ish-konkurrentët e “Për’puthen”, Jasmina Kadriu dhe Andi Artani, ishin ndër çiftet më të komentuar. Ata u kthyen në çiftin më të dashur të publikut, por historisë i ka ardhur fundi për shkak të një mesazhi.
Në emisionin “Shqipëria Live”, Jasmina ka zbuluar se një pyetje e saj u mor në mënyrë të ashpër nga Andi, i cili zgjodhi të ndërpriste marrëdhënien me “bllok”.
Jasmina: Andi nuk më mungon fare. Ka qenë marrëdhënie toksike nga të dy.
Gabimi im është që i kam mëshuar shumë një situatë të caktuar. Kisha të drejtë për çdo argument qoftë i ekzagjeruar apo jo. Unë e marr vëmendjen duke u ‘grricur’ me njerëzit. Thjesht ashtu e kam tipin.
Unë nuk bëhem xheloze, bëhem posesive. Unë para se të jem me dikë, flirtoj, dua vëmendjen dhe kur fillova të frekuentohesha me Andin, e ndërpreva për të mos u keqkuptuar. Nuk jam mësuar që të ndahem me shpata, inate dhe mëri. Është i vetmi njeri që e kam bërë. Jemi ndarë si fëmijë 5 vjeç që po më pyete prap për këtë gjë, do të të bëj bllok. Nëse të pyes për diçka specifike, kthe përgjigje dhe kaq.
Edhe miqësia me Olën ka pësuar krisje, për të cilën Jasmina tha se “janë me pushime”. Ndërsa për planet e së ardhshmes tha se po mendon të bëhet pjesë e muzikës.
Jasmina: Rri çdo ditë në studio, por nuk janë të finalizuara. Është më shumë pasion. Mamin e kam pasur gjithmonë pro. Por nuk kam pasur mbështetje tjetër përveç saj, ndërsa tani e kam.
