Aktorja e njohur e shfaqur në shumë prodhime të suksesshme të Hollywood-it, Lisa Baines ka ndërruar jetë në moshën 65-vjeçare.
Siaps Daily Mail, Baines ndërroi jetë ditën e djeshme pas një aksidenti rrugor dhjetë ditë më parë.
Sipas gazetës britanike, aktorja e cila jetonte në Los Anxhelos, vizitoi New Yorkun në fillim të këtij muaji. Ndërsa ecte në pjesën e sipërme Upper East Side për të takuar burrin e saj Kathryn Cranhold, për darkë, një skuter elektrik,e përplasi aktoren.
Sipas dëshmitarëve, pasi skuteri e goditi Baines me shpejtësi të madhe, shoferi i tij kaloi dritën e kuqe dhe iku, duke e lënë aktoren të mbuluar me gjak në rrugë.
Si rezultat i aksidentit, Baines pësoi një dëmtim serioz në kokë. Ajo u dërgua me urgjencë në Spitalin Mount Sinai Morningside, ku qëndroi në gjendje kritike për 10 ditë, duke ndërruar jetë më pas.
Bashkëshorti i Baines kishte apeluar ditët e mëparshme nëse dikush dinte ndonjë gjë në lidhje me automjetin që goditi aktoren për të folur me policinë, megjithatë deri më tani nuk është bërë asnjë arrestim për incidentin.
Aktorja ishte e njohur për rolet në serialet “Një jetë për të jetuar”, “China Beach”, “The Royal Pains” dhe “Nashville”.
