Aktorja e famshme e “Familja Moderne”, Sofia Vergara, ishte e ftuar në emision e Ellen DeGeneres, për të përshkruar “dramën” që ka kaluar që kur mori një qen.
“Ajo vodhi gjithçka që kam, burrin tim, shtratin tim, gjithçka”, tha aktorja.
Burri i saj Joe Manjanello i dha asaj një chihuahua me emrin Bubbles.
“Ju me të vërtetë mund ta ndryshoni emrin e saj”, bëri shaka drejtuesi.
“Si mund ta ndryshoj emrin e saj kur ajo është gjashtë vjeç? Në moshën e një qeni, është si 50 dhe diçka. Mbi të gjitha, si do ta quaja? Pakito? Burrito?” – pyeti aktorja.
Vergara tha se kur burri i saj i solli një qenush, ajo e injoroi plotësisht dhe u drejtua drejt shtratit të tij.
“Ata madje flenë bashkë. Më duhet të them se ajo është fajtorja, ajo është fiksuar pas Xhos. Kur ai largohet dhe mbetet vetëm me mua, ai shmang edhe kontaktin me sy me mua. Ajo më urren mua, edhe unë e urrej atë. Mendova të blej një qen tjetër, por kam frikë se do të ndodhë e njëjta gjë dhe ajo po ashtu do të dashurohet me burrin tim.”
