persona janë arrestuar sot nga policia e Fierit, pasi janë kapur në flagrancë duke vjedhur një banesë të pabanuar.
Burimet policore bëjnë me dije se janë arrestuar shtetasit Endri Begu, 19 vjeç dhe Nazif Refitaj, 19 vjeç, banues në Patos, ndërsa janë shpallur në kërkim dy shtetas të tjerë përkatësisht, Simon Hitaj, 19 vjeç dhe Kristjan Nuhaj, 20 vjeç, banues në Patos.
Sipas njoftimit të policisë këta shtetas janë kapur në kushtet e flagrancës duke vjedhur në një banesë të pabanuar në Patos, në pronësi të shtetasit S. B, ndërsa në cilësinë e provës materiale janë sekuestruar sendet e vjedhura.
Mësohet se gjatë shoqërimit në Komisariatin e Policisë Fier, shtetasi E. B. ka kundërshtuar me dhunë punonjësit e Policisë duke u larguar por është neutralizuar dhe prangosur nga shërbimet e Policisë.
Materialet do i kalojnë Prokurorisë pranë Gjykatës së Shkallës së Parë Fier, në ngarkim të shtetasit E. B., për veprat penale “Vjedhje e kryer në bashkëpunim”, “Kundërshtim i punonjësit të policisë së rendit publik” dhe “Largim nga vendi i vuajtjes së dënimit” dhe në ngarkim të shtetasve N. R., S. H., dhe K. N., për veprën penale “Vjedhje e kryer në bashkëpunim”.
