Sezonet në kampionatet europiane janë mbyllur por ende luhet futboll elitar në Europë me Euro 2020 dhe në Amerikën Latine me Copa America. Yjet e futbollit botëror vijojnë të luajnë pa reshtur ndërsa së fundmi janë llogaritur edhe klubet që kanë më shumë lojtarë të angazhuar në këto dy turne.
Të dhënat konfirmojnë edhe arsyen se pse Man. City me Chelsean arritën në finalen e Champions League duke u konfirmuar si dy ekipet më të mira në Europë për sezonin dhe në total janë të dyja bashkë 34 lojtarë të shpërndarë, 18 Citizens dhe 16 Chelsea.
Podiumi ndahet me Juventusin që ka në total 16 lojtarë që do të luajnë në këto dy turned he më pas është Bayern Munchen me 14 futbollistë dhe Atl. Madrid me 13 lojtarë.
Ky trend të lë të kuptosh edhe klubet me lojtarë më të fortë në përbërje teksa në listë ka një surprizë, Atalantën. Zikaltërit kanë 12 lojtarë po aq sa Interi në këtë listë dhe tregon punën e mire që po bën klubi bergamask këto vite.
Me vetëm 11 lojtarë është Real Madrid që shpjegon shumë pikëpyetje të sezonit por “los blancos” janë penalizuar edhe nga fakti që Luis Enrique nuk mori asnjë lojtarë të skuadrës në Europian.
Më poshtë lista më e plotë me skuadrat që kanë numrin më të madh të lojtarëve të angazhuar në Euro 2020 dhe në Copa America.
Manchester City 18
Chelsea 16
Juventus 16
Bayern Munchen 14
Atletico Madrid 13
Atalanta 12
Inter 12
Real Madrid 11
Liverpool 11
Dinamo Kiev 11
Barcellona 10
Psg 10
Borussia Dortmund 10
