Policia e Tiranës ka arrestuar pesë shoferë dje për aksidentet që kanë shkaktuar dhe rrezikun që paraqisnin me gjendjen e tyre të dehur për qytetarët.
U arrestua J.B, 19 vjeç, pasi ditën e djeshme në rrugën “Xhanfize Keko”, ka aksidentuar këmbësoren Xh. G., 24 vjeçe, e cila ndodhet në spital, nën kujdesin e mjekëve;
U arrestuan V.U, 50 vjeç dhe N.P, 58 vjeç, pasi janë kapur duke drejtuar mjetet përkatëse në gjendje të dehur;
Iu vunë prangat F.V, 23 vjeç, pasi ditën e djeshme, në Kashar, ka aksidentuar biçiklistin e mitur të moshës 9 vjeç, i cili ndodhet në spital, nën kujdesin e mjekëve;
U arrestua edhe F. Rr, 29 vjeç, pasi duke drejtuar mjetin ka aksidentuar duke u larguar nga vendngjarja, taksinë me drejtues I. M. Si pasojë është dëmtuar pasagjeria në taksi E. A., e cila ndodhet në spital, nën kujdesin e mjekëve.
