Dinamo ka nisur nga puna për sezonin e ri. Deri më tani te blutë e kryeqytetit ka vetëm largime, ndërsa për momentin nuk ka asnjë afrim, madje nuk është zyrtarizuar as trajneri i ri. Futbollisti i radhës që largohet nga klubi është Miklovan Pere.
Qendërmbrojtësi ishte kapiteni i skuadrës në Kategorinë e Parë, por me mbylljen e sezonit i përfundoi edhe kontrata. Pere nuk ka gjetur akordin me drejtuesit për rinovimin e kontratës e në këtë mënyrë bëhet lojtar i radhës që largohet nga Dinamo.
