Kryeministri Edi Rama po zhvillon një vizitë zyrtare në Bullgari.
Përmes një postimi në rrjetin social, Rama shkruan se mëngjesin e ka nisur me një takim me Presidentin Rumen Radev ku kanë folur në lidhje me marrëdhëniet dhe zgjidhjen e ngërçit kritik mes Bullgarisë e Maqedonisë së Veriut
“Sofje – Mëngjes pune me Presidentin Rumen Radev mbi marrëdhëniet e shkëlqyera bilaterale dhe nevojën për dialog mes palëve për zgjidhjen e ngërçit kritik mes Bullgarisë e Maqedonisë së Veriut (çka momentalisht pengon edhe thirrjen e Konferencës Ndërqeveritare BE-Shqipëri)”, shkruan Rama.
Pak ditë më parë Kryeministri Edi Rama zhvilloi një vizitë në Turqi ku u takua me mikun e tij, Presidentin Erdogan, ndërsa më pas Ankaranë e vizitoi Kryeministri i Maqedonisë së Veriut, Zoran Zaev.
