Olga Arkhangelskaya, një stiliste e poete e njohur e rrjeteve sociale në Ukrainë, ka vdekur papritur. 32-vjeçarja e cila kishte ëndërr për t’u dukur si një “kukull Barbie njerëzore”, përshkruhej nga miqtë si një vajzë e dashur dhe me “sens të shkëlqyeshëm humori”.
Arkhangelskaya vdiq në shtëpinë e saj në Odesa, më 16 maj, sipas mediave vendase pas një periudhe shkëputjeje nga postimet në rrjet, për 1 milionë fansat e saj.
Olga ndaloi postimet në rrjetet sociale, përveç disa poemave të rralla, si një shenjë e prezencës së saj në rrjet. Në një prej poemave më të cituara nga miqtë e saj, ajo duket se paralajmëronte se nuk do të jetonte shumë, teksa e titullonte: ‘Po notoj në kohë’.
Një version i përafërt i përkthimit të poemës ku Olga duket se parashikon vdekjen, thotë:
Zgjate dorën tënde, merri fjalët e mia.
Dhe papritur, duke ngadalësuar garën, bota e lodhur do të ngrijë.
Vetëm maji do të mbetet, i gjithë dielli e bari, një ditë e bukur që u bë perëndimi im.
Shkaqet e vdekjes së Olgas nuk janë publikuar dhe nuk është treguar nëse ajo vërtet kishte zgjedhur të vdiste në maj, sipas parashikimit.
