Policia italiane ka arrestuar dhjetë persona, mes tyre edhe shqiptarë, si pjesë e nje grupi kriminal që merreshin me trafikun e heroinës.
Mediat italiane raportojnë se operacioni u zhvillua mëngjesin e kësaj të mërkure, ndërsa personat e arrestuar janë të moshës nga 20-40 vjeç.
Banda përbëhej nga italianë, marokenë, shqiptarë dhe rumunë, të cilët vepronin në zonën e Rogoredos në Milano.
Hetimet e kryera nga policia dhe të koordinuara nga Prokuroria Publike e Lombardisë, bënë të mundur identifikimin e të gjithë anëtarëve të bandës, veprimtaria e së cilës u zhvillua kryesisht në zonën e stacionit hekurudhor Milan Rogoredo, tashmë në qendër të lajmeve për fluksin e madh të narkomanëve.
Të arrestuarit iu dorëzuan autoriteteve të drejtësisë, për hetime të mëtejshme.
