Dy djem të rinj kanë dhunuar psikologjikisht dhe fizikisht dy vajza , pranë bulevardit “Migjeni” në Tiranë.
Ngjarja është rregjistruar rreth orës 23:00 të mbrëmjes së martë, ku dy persona, njëri i identifikuar si Ardian Uka, kanë lëshuar një “lumë” fjalësh fyese, kanë pështyrë në fytyrë dhe më pas kanë dhunuar fizikisht dy vajzat.
Ngjarja mund të ishte përshkallëzuar më tepër, por dy të dëmtuarat pas goditjes dhe pështyrjes në fytyrë, janë larguar nga zona. Mësohet se njëra nga vajzat është nga Gjirokastra.
Mes tyre dhe dy djemve, duket se ka pasur një njohje të mëparshme, por për shkaqe ende të paqarta, situata ka dalë jashtë kontrollit duke bërë që dy djemtë të ushtrojnë dhunë.
Episode të tilla të dhunës ndaj grave dhe vajzave kërkojnë ndërhyrjen e menjëhershme të policisë pasi neglizhenca mund të sjellë agravimin e situatës.
Një rast i ngjashëm ka ndodhur në vitin 2018 në zonën e “Don Boskos”, ku Xhafer Meta ekzekutoi me armë zjari ish-të dashurën e tij 19-vjeçare Xhuljeta Çuni, ngjarje kjo që tronditi Tiranën edhe për shkak se viktima e kishte denoncuar disa herë në komisariatin nr.3 në Tiranë, por policia nuk kishte reaguar.
