E pëson amerikani Steven Brandenburg, 46-vjeç që shkatërroi qëllimisht 500 vaksina të kompanisë Moderna pasi nuk besonte në efikasitetin e tyre. 46-vjeçari e pranoi fajin para gjykatës dhe drejtësia vendosi ta dënojë me tre vite burgim dhe obligohet që spitalin ku punonte ta dëmshpërblej duke paguar një dënim prej 83.000 dollarëve.
Mësohet se Brandenburg në dhjetor të vitit të kaluar gjatë kujdestarisë në spital ku punonte, qëllimisht kishte nxjerrë nga frigoriferët vaksinat anti-COVID. Farmacisti i dënuar ka pranuar se është përkrahës i flaktë i teorive konspirative, duke qenë shumë i bindur që vaksinat janë “punë e djallit”.
