Italia është renditur vendi i dytë në Evropë për numër të lartë vaksinimesh dhe në 24 orët e fundit ka arritur të injektojë vaksinën tek plot 600 mijë qytetarë të rritur.
Autoritetet shëndetësore në Romë, publikuan para pak, të dhënat e 24 orëve të fundit të situatës me koronavirusin e ri Sars-Cov-2.
Raportohet se janë identifikuar 2436 raste të reja ndër 238.632 njerëz që u testuan për Covid-19. Një ditë më parë ishin 3351 të infektuar të rinj.
Aktualisht janë 788 persona të shtruar në spitale.
Ndërkaq kanë humbur jetën 57 persona nga 73 ditën pararendëse. Deri tani numërohen 126,472 të vdekur.
