Tashmë nuk ka më dyshime, teksa pritet vetëm e bardha ne të zezë, Mauricio Sarri do të jetë trajneri i ri i Lacios.
Në Itali janë të sigurt për këtë marrëveshje duke publikuar dhe detajet e kontratës. Për ish-teknikun e Napolit do të jetë një kontratë 2 vjeçare me mundësi rinovimi për një të tretë, teksa paga që do të fitojë do të jetë 3.5 milionë euro plus bonuse.
Pos kësaj, Sarri u ka kërkuar drejtuesve të bardhekaltërve dy futbollistë që i ka trajnuar tek Napoli, më saktë qendërmbrojtësin Nikola Maksimoviç dhe mbrojtësin e Kombëtares shqiptare, Elseid Hysaj.
Për shkodranin nuk do të jetë e thjeshtë pasi janë disa skuadra në gare, por vendimtare mund të jetë ndërhyrja e Igli Tares i cili do të afronte një tjetër futbollist shqiptar tek Lacio, pas portierëve Strakosha, Alia dhe sulmuesit Vedat Muriqi.
