Polica e Tiranës ka njoftuar mëngjesin e sotëm se janë vënë në pranga 3 persona pasi akuzohen për shkelje të rregullave të qarkullimit rrugor.
Burimet policore njoftojnë se është bërë arrestimi në flagrancë i shtetasve: G. A., 24 vjeç dhe E. A., 32 vjeç, pasi janë kapur duke drejtuar mjetet përkatëse në gjendje të dehur; si dhe arrestimi i shtetasit B. E., 58 vjeç, pasi ka aksidentuar këmbësoren shtetasen D. B., 34 vjeçe, e cila ndodhet në spital, nën kujdesin e mjekëve.
Materialet u referuan në Prokurorinë pranë Gjykatës së Shkallës së Parë Tiranë, për veprime të mëtejshme.
