Erald Çinari është lojtari më I ri i Samsunspor. Klubi i ligës së parë turke ka zyrtarizuar gjithçka në kanalet zyrtare të klubit, teksa shkodrani ka firmosur një kontratë për tre vite, me opsion edhe për një vit të katërt.
24 vjeçari kishte gjetur dakordësinë me klubin turk disa muaj më parë, duke nënshkruar edhe një parakontratë. Tanimë ish-i i Partizanit bëhet shqiptari i radhës që do vijojë karrierën në Turqi. Me Partizanin, Çinari u bashkua në 2018.
