Një burrë u vra mbrëmjen e së martës në qytetin e Tepelenës. Viktimë e atentatit mbeti 55-vjeçari Çajup Selimi. Ky i fundit ka qenë pronar i një biznesi në Tepelenë.
Selimi nodhej në banesë, teksa një person e thirri në emër. Sapo doli nga shtëpia, ai u qëllua dy herë me pistoletë.
Fillimisht u raportua i plagosur, por më pas mjekët thanë se kishte ndërruar jetë. Tre vite më parë Selimi kishte rënë pre e dhunës barbare nga disa persona, të cilët e bënë për spital.
Në atë kohë ai kërkonte drejtësi, dhe thoshte se shteti nuk po vë dorë në kapjen e autorëve.
